Ссылки доступа

Депутат Қырғызстан өзге елдің провинциясына айналып кетпей ме деп қауіптенеді


Қырғызстан парламентінің депутаты Тазабек Икрамов ұлттық қауіпсіздікке төніп тұрған қауіп жөнінде мәлімдеме жасады.

Атап айтқанда, ол Қырғызстанда жұмыс істейтін шетелдік азаматтар ұлт қауіпсіздігіне қауіп төндірмей ме де қауіптенеді.

«Шетелдіктер қырғыз қыздарына үйленіп, Қырғызстан азаматтығын алып жатыр. Бұл үлкен проблема. Егер біз бұл проблемаға мән бермесек, келесі 20 жылда ұлт қауіпсіздігі мәселесінде үлкен мәселе туындауы мүмкін. Ош облысындағы Қара-Сууй, Бішкектегі «Дордой» және «Мадина» базарларында шетелдік азаматтар жұмыс істейді. Олар біздің азаматтармен бәсекелесіп, кәсіптерін ығыстырып жатыр. Халықтың ақшасы шетелге кетіп жатыр. Осылай жалғаса берсе, Қырғызстан өзге мемлекеттің провинциясына айналып кетпей ме?», - деп мәлімдеді Тазабеков.

Депутат бұл проблеманы шешу үшін, еліне келіп жұмыс істейтін әрбір шетелдік азамат мемлекеттік банктерге 50-70 мың доллар ақша салуы керек деп есептейді. Ақшаны қызметі яқталып, еліне кетер кезде ғана беру керек дейді.

Икрамов сонымен бірге елдің ІІМ, СІМ және ҰҚК-ден 45 күн ішінде Қырғызстанда соңғы 5 жылда қанша шетелдік жұмыс істейтінін анықтауды сұрады.

Ресми Қырғызстан жыл сайын шетелдік азаматтарға 16-17 мың квота бөледі. Олардың 70 пайызы Қытай азаматтары.

XS
SM
MD
LG