Тонӣ Грюнберг аз соли 2014 то кунун Ucell-ро мудирият мекард. Ба иттилои манбаъҳо, масъулони хориҷии Ucell сабукдӯш ва дар ивази онҳо шаҳрвандони Ӯзбекистон ба кор таъйин шудаанд.
Владимир Кравченкои 33-сола Донишгоҳи вестминстери байналхалқии Тошкандро хатм кардааст. Моҳи марти соли 2017 вай мудири кулли UzMobile таъйин шуд.
Ширкати Telia (TeliaSonera-и пешин), ки сеяки саҳмияҳояш аз ҳукумати Шветсия аст, 5 декабр 94 дарсади саҳмияҳояшро ба Кумитаи давлатии хусусигардонӣ ва рушди рақобати Ӯзбекистон дар ивази $215 млн фурӯхт.
Баъди он ки сару садоҳо дар бораи порадиҳии TeliaSonera ба духтари пешини президенти Ӯзбекистон Гулнора Каримова зиёд шуд, ширкат маҷбур гардид, ки ба вазорати адлияи ИМА наздики $1 млрд ҷарима пардозад.
Ширкати Telia 5 декабр дар сомонааш хабари фурӯхтани саҳмияҳояш ва хориҷшавиашро аз Ӯзбекистон тасдиқ кард.