АҚШ давлат котибининг қуролларни назорат қилиш бўйича ўринбосари Андреа Томпсон хоним 6 декабрь куни бу ракета 5500 километргача бўлган радиусда таъсир кучига эгалигини баён қилди.
Аввалроқ АҚШнинг Москвадаги элчиси Вашингтон Россия томони қиёфасида ўрта ва олис масофали ракеталарни йўқ қилиш тўғрисидаги шартнома бўйича ишончли ҳамкорни кўрмаётганини таъкидлаганди. Жон Хантсманнинг сўзларига қараганда, Россия битимга риоя қилишга қайтиш ниятини кўрсатмади. Дипломат АҚШ шартномага риоя қилиш масаласини Москва билан беш йил ичида 30 га яқин маротаба муҳокама қилганини таъкидлаб ўтди.
Октябрь ойида АҚШ президенти Дональд Трамп Вашингтоннинг Ўрта ва олис масофадаги ракеталарни йўқ қилиш тўғрисидаги шартномадан чиқиш ниятини эълон қилган эди. У Россияни битимни бузганликда айблади. 1987 йилда имзоланган шартнома узоқлиги 500 дан 5500 километргача бўлган, ерда жойлаштириладиган қанотли ракеталарни кўпайтиришни тақиқлайди. Москва битимни бузганлик ҳақидаги айбловни инкор қилмоқда. Россия ҳукумати АҚШнинг қарорини “шантаж” деб атади ва “ҳарбий-техник тусдаги жавоб чоралари” билан таҳдид қилди.