"Мо айни ҳол машғули таҳияи санад ҳастем. Санадро бо ниҳодҳои масъули дигар ҳамоҳанг мекунем. Баъд онро дар сомона нашр мекунем ва бо гузашти даҳ рӯз ман санадро ба имзо мерасонам. Фикр мекунам, барои ним сол манъ мешавад. Ин танҳо ба сӯзишвории дизелӣ рабт дорад, манъи содирот", - гуфт вазир.
Канат Бозумбоев пештар аз ин ҳам гуфта буд, ки сабаби манъи содирот гарон будани ин навъи сӯзишворӣ дар Русия аст. Ба гуфтаи вай, гаронии сӯзишвории дизелӣ дар Русия боис шуд, ин навъи сӯзишвориро аз Қазоқистон ба он кишвар интиқол диҳанд.
"Қимати сӯзишвории дизелӣ байни Русияву Қазоқистон 60-70 танга фарқ дорад. Метавон як мошини бензинкаш харид ва равуо кард. Сарҳад боз аст. Аз ин рӯ мо маҷмуи чораҳоро таҳия мекунем. Мо гузинаи дигар надорем. Дар сурати ғайр сӯзишвории дизелии истеҳсоли Қазоқистон аз 193 тангаи ҳозира ба 250 танга хоҳад расид", - гуфт Бозумбоев.