Ссылки доступа

Тошкентда янги халқаро молиявий консорциумга асос солинди


Ўзбекистон¸ Россия¸ Қозоғистон¸ Афғонистон ва Покистон “Мозори Шариф-Кобул-Пешавор” темир йўлини қуриш учун халқаро молиявий консорциум тузишга қарор қилди. Бу ҳақда «Ўзбекистон темир йўллари" матбуот хизмати хабар тарқатди.

Айтилишича¸ бешала давлат темир йўл компаниялари раҳбарларининг Тошкент йиғилишида шундай қарор қабул қилинган.

Режага мувофиқ¸ бу темир йўл лойиҳаси Ўзбекистон¸ Афғонистон¸ Покистон¸ Ҳиндистон ва Россияни Европа Иттифоқи ва жануб-шарқий Осиë билан боғлайди ва янги транспорт коридорига асос солади.

Расмий хабарга кўра¸ янги темир йўлни электрлаштиришга имкон бериш мақсадида бу йўналиш бўйлаб юқори қувватли электр линиялари ўтказиш ҳам кўзда тутилган.

Ҳозирча бу транспорт лойиҳасининг умум қиммати¸ унга қайси давлат қанча улуш қўшиши ҳақида маълумот берилмади.

XS
SM
MD
LG