Хабарларда айтилишича, 5 декабрь куни ўғрилар ҳокимнинг уйидан катта миқдордаги маблағни олиб чиқиб кетишган. Мазкур воқеа юзасидан Юнусобод туман Ички ишлар бўлими томонидан жиноят иши қўзғатилган.
7 декабрь куни уч нафар гумонланувчи — М. М., К. Г., ва Г. Р., ҳибсга олинган. Гумонланувчи М.М.,нинг уйи тинтув қилинганида заргарлик буюмлари ва пуллардан иборат далилий ашёлар топилган.
Гумонланувчиларга нисбатан 9 декабрь куни ҳибсга олиш эҳтиёт чораси қўлланилган.
Сарвар Маҳаметов Чилонзор туманига шу йилнинг октябрида ҳоким этиб тайинланган эди. 2010−2016 йилларда у Бектемир тумани, 2016−2018 йилларда Яккасарой тумани ҳокими бўлиб ишлаган.