Ссылки доступа

Қырғызстан Айтматовтың 90 жылдығын атап өтіп жатыр


Қырғызстанда ұлы жазушы Шыңғыс Айтматовтың 90 жылдығына байланысты мерекелік шаралар өтіп жатыр. 13 желтоқсанда таңертең президент Сооронбай Жээнбеков бастаған делегация "Ата Бейіт" ескерткіш кешенінде болып, жазушы зиратына гүл қойды.

Айтматовты еске алуға Жогорку Кенеш спикері Дастан Жумабеков, премьер-министр Мұхаммедкалый Абылгазиев, Жоғарғы сот төрайымы Гүлбара Калиева, жазушының туыстары, достары жиналды.

Салтанатты шараның ресми бөлімі Қырғыз ұлттық филармонияда жалғасты. Мұнда жазушының өміріне қатысты қойылым көрсетілді.

Мемлекет басшылары жиналған халық алдында сөз сөйледі. Президент Жээнбеков болашақта елде Айтматов атындағы мәдени орталық ашылатынын хабарлады.

Жазушы Шыңғыс Айтматовтың 90 жылдығын атап өту туралы қаулыға президент 2017 жылы сәуірде қол қойған.

Айтматов шығармалары 176 тілге аударылып, әлемнің 128 елінде 100 млн данадан астам тиражбен таралған.

Жазушы 1928 жыды Талас облысы Шекер ауылында дүниеге келді. Ол 79 жасында 2008 жылы Германияда дүние салды.

XS
SM
MD
LG