Ссылки доступа

АКШ Сенаты : Хашоггинин өлүмү үчүн жоопкерчилик мураскор ханзаадада


АКШ Сенаты бир добуштан журналист Жамал Хашоггинин өлүмү үчүн жоопкерчиликти толугу менен Сауд Арабиянын мураскор ханзаадасы Мухаммед бин Салманга жүктөдү. Резолюциянын авторлору Эр-Риядды журналисттин өлүмүнө катышы бар кишилердин баарын жоопко тартууга чакырууда.

Америкалык басылмалардын маалыматына караганда, ЦРУ аналитиктери Сауд Арабиянын мураскор ханзаадасынын буйругусуз Хошоггинин өлтүрүү чечими кабыл алынмак эмес деген бүтүмгө келишкен. Буга чейин АКШ королдукка кызмат кылган 17 кишиге карата санкция киргизген. Вашингтондун пикиринде, алар Хашоггинин жок кылуу боюнча ыкчам топтун курамында болушкан.

Буга чейин АКШ президенти Дональд Трамп Эр-Рияд менен тыгыз мамилелер Вашингтон үчүн экономикалык жактан алганда жана Жакынкы Чыгыштагы коопсуздукту камсыздоодо, эл аралык терроризм менен күрөшүүдө маанилүү экенин билдирген.

Бейшембиде АКШ Сенаты Йемендеги согушта Сауд Арабиясына аскердик жардам көрсөтүүнү токтотуу тууралуу резолюцияны колдогон. Эки өлкөнүн биргелешкен өкмөттүк аскерлери Иран тараптан колдоо алган хусит куралдуу топторуна каршы урушууда.

Видео

Видео

Китеп окуган жаштар сыйланды
пожалуйста, подождите

No media source currently available

0:00 0:02:56 0:00
XS
SM
MD
LG