Ссылки доступа

Туркиялик келинчакка маҳр қилиб берилган олтин тақинчоқларни божхона мусодара қилди


Туркияда маҳаллий йигитга шу йил ёзда турмушга чиққан наманганлик 26 яшар келин куёви маҳр сифатида берган тақинчоқларининг ярмини Тошкент аэропортидаги божхона ходимлари мусодара қилганини айтиб берди.

Туркиялик келиннинг иддао қилишича, божхона ходими ундан 400 доллар пора талаб қилган.

Туркиялик келиннинг айтишича, унинг тақинчоқлари билан боғлиқ можаро жорий йил 8 сентябрь тонгида Истанбулдан учиб келганида Тошкент аэропортида бошланган.

- Аэропортда бировнинг декларация тўлдирганини сезганим йўқ. Шунинг учун декларация тўлдириш хаёлимга ҳам келмади. Божхоначилар тўхтатиб, ёнимдаги тақинчоқларни ноқонуний дейишди. Бир неча соат ушлаб туришди. Ҳаммаси бўлиб 117 граммлик тақинчоқларимнинг 57 граммини олиб қолиб, 60 граммини қайтариб беришди, - деди Ю.Д.

Ю.Д.нинг айтишича, ўзини таништирмаган судья тақинчоқлари мусодара қилинганини қонуний деб топиб, унга 368 минг сўм жарима ҳам солган.

Ю.Д. тақинчоқлари билан боғлиқ можаро унинг тинчини бузганини, қайин оиласи билан, эри билан муносабатларига совуқчилик туширганини ёзди-айтди.

– Эрим турк консуллигига телефон қилиб гаплашди. Улар бунақа нарса бўлиши мумкинмас дебди. Сизларга ёзишимдан мақсадим шуки, ҳамма кўрсин буларни қанақалигини",- деган Ю.Д.

Ўзбекистон Республикаси Божхона қўмитаси матбуот хизматининг жавобига қараганда, Ю.Д. чиндан ҳам қонунни бузган кўринади: Ўзбекистонга умумий вазни 65 граммдан ошмаган заргарлик маҳсулотларини бож тўловларисиз олиб кириш мумкин. Бу миқдордан ортиғини олиб кириш учун уни декларация қилиш ва божхона пошлинасини тўлаш лозим.

XS
SM
MD
LG