Ссылки доступа

Зани ӯзбек гуфт, на минбар, балки худро сӯзонданӣ буд


Нозима Эргашева, зане, ки 14 декабр дар қабулгоҳи ҳукумати ноҳияи Қибрайи Ӯзбекистон қасди худсӯзӣ кард, иддаои мақомотро ки гӯё ӯ мехост “минбарро оташ занад”, рад кард.

Эргашеваи 29-сола гуфт, нақшаи ба нишони эътироз оташ задани худро пешакӣ кашида, сипас ба ҳукумати ноҳия рафт ва вақте мақомот ба ҳарфҳои ӯ гӯш надоданд, талоши худсӯзӣ кард.

"Маро муовини раиси ноҳия қабул кард. Ҷои он ки шикояти маро шунавад, бо ман дағалӣ кард. Ман гуфтам, ки агар шумо ба гапи ман гӯш намедиҳед, худро ба нишони эътироз оташ мезанам. Бо худ дар як шиша бензин доштам. Онро ба сару рӯям пошида, оташ задам. Вақте дастонам сӯхтанд, шиша ба замин афтод ва фарш ҳам даргирифт", - изҳор дошт Эргашева.

Ба гуфтаи яке аз шоҳидон, он рӯз барои Нозима Эргашева "Ёрии таъҷилӣ" даъват кардаанд. "Зан бензинро дар дастонаш оташ зад ва одамон онро хомӯш карданд. Дар толор низ сӯхтор сар зад", - афзуд ҳамсуҳбати мо.

Ба гуфтаи Эргашева, дар натиҷаи қасди худсӯзӣ як дасташ осеб дидааст.

Холмурод Раббониев, як масъули ноҳияи Қибрай 15 декабр гуфта буд, ки Эргашева мехост, на худ, балки толорро оташ занад. Ба гуфтаи ӯ, эътирози зан ба қарздорияш аз пули газ рабт дошт.

Эргашева иқрор мекунад, ки дар ҳақиқат, аз пули газ 7 миллиону 200 ҳазор сӯм (ҳудуди 870 доллар) қарздор аст. Он рӯз ӯ барои дархости кумаки моддӣ ба ҳукумати ноҳия рафта буд.

XS
SM
MD
LG