Ссылки доступа

Алишер Усманов Нурсултан Назарбаевден «Достук» орденин алды


Казакстан президенти өзбек тектүү орусиялык миллиардер Алишер Усмановду І-даражадагы «Достук» ордени менен сыйлады. Сыйлык Казакстандын Эгемендүүлүк майрамына карата ыйгарылды.

Казакстан Тышкы иштер министрлиги тараткан маалыматка ылайык, Усманов орденди мамлекеттик жана коомдук ишмердүүлүгү, өлкөнүн социалдык-экономикалык жана маданий өнүгүшүнө, эл арасында достукту жана кызматташтыкты чыңдоого кошкон салымы үчүн алды.

Буга чейин Орусия президенти Владимир Путин Усмановго III-даражадагы «Мекен алдында сиңирген эмгеги үчүн» орденин, анын жубайы, Орусиянын көркөм гимнастика боюнча курама командасынын башкы машыктыруучусу Ирина Винер-Усмановага II-даражадагы «Мекен алдында сиңирген эмгеги үчүн» орденин берген.

Быйыл августтун аягында Өзбекстан президенти Шавкат Мирзиёев Усмановго «Эл-юрт хурмати» орденин тапшырган.

Видео

Видео

Аргымактарды аргындаштырган Баатыр Тагаев
пожалуйста, подождите

No media source currently available

0:00 0:08:33 0:00
XS
SM
MD
LG