Ссылки доступа

Германия ТИВ Суриядан АҚШ ҳарбийларнинг олиб чиқилишидан ташвишга тушди


Суриядан АҚШ ҳарбийларининг олиб чиқилиши «Ислом Давлати» террор гуруҳига қарши курашга салбий таъсир кўрсатади. Бу ҳақда 20 декабр куни Германия ташқи ишлар вазири Хайко Маас баёнот берди.

Унинг таъкидлашича, Оқ уйнинг қарори ГФР ҳукуматини ҳайрон қолдирди. Германия ТИВ раҳбарнинг таъкидлашича, Сурияда исломчиларнинг мавқеи жиддий кучсизланган. Бироқ, вазирнинг сўзларига кўра, қўлга киритилган ютуқлар эндиликда хавф остида қолмоқда.

Бундан аввал Франция ҳукумати баёнот бериб, Суриядаги ўз ҳарбийларини олиб чиқиш ниятида эмаслигини билдирган эди. Бу ҳақда Cnews телеканали орқали Европа ишлари бўйича вазир Натали Луазо маълум қилди. Вазирбеш кишининг ўлимига сабаб бўлган Страсбургда юз берган теркатни мисол сифатида келтирар экан, "терроризмга қарши кураш ниҳоясига етмаганини" таъкидлади. Исроил бош вазири Биньямин Нетаньяху ҳам вазиятдан хавотирда эканлигини айтди.

Суриядан ҳарбийларни олиб чиқилиши борасида чоршанба куни Оқ уй вакили Сара Сандерс эълон қилди. Вашингтон ҳарбийларни 60 кундан 100 кун оралиғида олиб чиқишни режалаштирмоқда. Минтақада икки мингдан ортиқ америкалик аскар бор. Қўшинларни олиб чиқишга бағишланган видеомурожаатда, АҚШ президенти Дональд Трамп халқаро ҳарбий коалиция «Ислом Давлати» устидан ғалаба қозонганини айтди.

АҚШ бошчилигидаги халқаро коалиция Суриядаги радикал исломчиларга қарши курашни 2014 йилда бошлаган эди. Коалиция Сурия демократик мухолифатини қўллаб-қувватлайди.

XS
SM
MD
LG