Ссылки доступа

Ҳукумати Туркманистон дер ҷамъоварӣ шудани пахтаро тасдиқ кард


Дар Туркманистон дар нимаи дувуми моҳи декабр ҳанӯз ҳам ҷамъоварии ҳосили пахта идома дорад. Ноиб-сарвазири он кишвар Эсенмурод Оразгелдиев иттилои расонаҳоро дар бораи дер ҷамъоварӣ шудани пахта тасдиқ кард.

Оразгелдиев рӯзи 17 декабр гуфт, дар вилоятҳои Ахал, Лебап, Марӣ ва Дашоғуз ҷамъоварии пахта дар марҳилаи ниҳоӣ қарор дорад.

Ба гуфтаи вай, то имрӯз дар Туркманистон 1 миллиону 99 ҳазор тона пахта ҷамъоварӣ шудааст. Сокинон низ дар суҳбат бо расонаҳо тасдиқ карданд, ки ҷамъоварии пахта ҳанӯз идома дорад.

"Дар киштзорҳо пахта намондааст. Аммо роҳбарон дастур доданд, ки то охирин нахаш пахта ҷамъоварӣ шавад. Болои ин роҳбарон мегӯянд, мумкин аст, пахтаи моро корхонаҳо қабул накунанд. Дар чунин ҳолат, пахтаи ҷамъоваришударо бояд бо ҳосили соли оянда супоранд", - гуфтанд кишоварзон.

XS
SM
MD
LG