Айтишича, Россиянинг Сочи шаҳридаги Олимпия ўйинларига мўлжалланган объектларда ишлаган 3 мингдан ортиқ қурувчи Tashkent City қурилишига олиб келинган.
Шунингдек, бош вазир пойтахтда кенг кўламдаги бузиш-қуриш ишларини давом эттириш, хусусан, барча эски уйларни тўлиқ бузиш режасини маълум қилди.
Шанба куни Хотин-қизлар қўмитасининг ҳисобот йиғилишида сўзга чиққан Арипов президент Шавкат Мирзиёев бу ҳақда кўрсатма берганини айтди.
21 декабрь куни президент Мирзиёев Тошкентнинг Сергели туманига бориб, янги қурилган кўп қаватли уйларни кўздан кечирди.
Президент матбуот хизмати чоп этган хабарда айтилишича, туманда 5 ой ичида 1 минг 176 хонадонга мўлжалланган 21 та уй қуриб битказилган, яна янги уйлар қурилиши шитоб билан давом этмоқда.