Маҳаллий нашрларнинг хабар беришича, пойтахтда бораётган тезкор қурилиш-бузилиш ишлари ҳақида гапираркан, Бош вазир Абдулла Арипов, шу кунда Архитектура-қурилиш назорати давлат инспекцияси бошлиғи бўлган Козим Тўлаганов сўзларидан иқтибос келтирган.
"Муқаддам бош вазирнинг биринчи ўринбосари, Тошкент ҳокими, "Тошкентқурилиш" трестининг бошлиғи бўлиб ишлаган Козим Тўлаганов кеча менга шундай рақамларни айтди: Совет иттифоқининг энг гуллаган пайтларида ҳам Тошкентда бир йилда 1 миллион метр квадрат, Ўзбекистонда эса 5 миллион метр квадрат майдонидаги янги турар-жой фойдаланишга топширилмаган экан. Бу йил ҳали тугамади, аммо биз бу кўрсаткичлардан ошдик", дея иқтибос келтирадиган Бош вазир Ариповдан маҳаллий нашрлар.
Ариповга кўра, президент Мирзиёев жума куни шаҳарни кезаркан, эскириб кетган уйлар ўрнида қулай кўпқаватли турар-жой бинолари қуришни вазифасини топширган.
"Кеча бизга президент қаттиқ топшириқ берди - Тошкентда канализацияси ва бошқа нарсалари бўлмаган ҳамма эски, хароба уйлар бузилиб, ўрнига ҳамма шароити бўлган янги уйлар қурилади", деди Арипов.
Шунингдек, Бош вазир Сергели туманидаги янги уйларни кўздан кечираркан, президент билан ўтган суҳбатини ҳам тилга олган. "Президент мендан сўради: "Бу уйларга кир ювиш машинасини ўрнатиб бермадингизми? Бу аёл уни сотиб ололадими-йўқми? Эри унга олиб бероладими-йўқми? Нима учун сиз ҳукумат раҳбари сафатида бу ҳақда ўйламайсиз?" Биз буни албатта бажарамиз. Президент бу аёллар учун эканини очиқ айтмаса-да, унинг ҳар бир сўзи ортида аёлларга эътибор турибди", деди Арипов.
21 декабрь куни президент Мирзиёев Тошкентнинг Сергели туманига бориб, янги қурилган кўп қаватли уйларни кўздан кечирди.
Президент матбуот хизмати чоп этган хабарда айтилишича, туманда 5 ой ичида 1 минг 176 хонадонга мўлжалланган 21 та уй қуриб битказилган, яна янги уйлар қурилиши шитоб билан давом этмоқда.