23 декабрь куни Истанбул прокуратураси актёрлар Метин Акпинар ва Мюджат Гезен телевидениедаги ток-шоудаги изоҳлари туфайли ОАВда пайдо бўлган хабарлардан кейин сўроқ учун “таклиф қилингани”ни маълум қилди. Акпинар ва Гезен 21 декабрь куни мухолифат томонидан қўллаб- қувватланадиган Halk TV телеканалидаги кўрсатувда иштирок этди. Шоу вақтида Акпинар Туркия демократик ҳукуматни сайлаши кераклигини айтган, акс ҳолда раҳбарлар томонидан “оёқлар осмондан қилиб осилиш ёки заҳарланиш туфайли” юз берадиган ўлимларни мамлакат томоша қилишини таъкидлаган эди.
Эрдўғон актёрларнинг исмини айтмаган ҳолда уларни танқид қилди. «Улар сохта актёрлар. Бунинг учун улар жавоб беради», - деди президент.
Туркия ҳукумати эҳтимолий рақибларини таъқиб қилади, уларни 2016 йилда амалга ошмай қолган давлат тўнтаришига уринганликда айблайди; бугунги кунда мамлакатда 77 мингга яқин киши ҳибсга олинган.