Бу ҳақда Адлия вазирлигининг “Ҳуқуқий ахборот” канали хабар қилди.
Мазкур қонун билан Солиқ кодексига киритилган ўзгартиш ва қўшимчаларга мувофиқ, 2019 йил 1 январдан бошлаб жисмоний шахслар даромадларига 12 фоизли ставка бўйича ягона солиқ жорий этилади.
Юридик шахслардан олинадиган фойда солиғи ставкалари эса¸ фаолият турига қараб табақаланган ва юридик шахслар учун 12 фоиз; тижорат банкларига 20 фоиз; цемент (клинкер) ишлаб чиқарувчи юридик шахсларга 20 фоиз; полиэтилен гранулалар ишлаб чиқарувчи юридик шахсларга 20 фоиз; мобиль алоқа хизматлари кўрсатувчи юридик шахсларга 20 фоиз; дивидендлар ва фоизлар тарзида тўланадиган даромадларга эса 5 фоиз қилиб белгиланди.
Ҳозирда амалда бўлган тартиб бўйича жисмоний шахслар даромади миқдорига қараб 0 фоиздан 22¸5 фозигача солиқ тўлаб келган.