Ссылки доступа

Киев Россияга нисбатан янги санкцияларни эълон қилди


Украина миллий хавфсизлик ва мудофаа Кенгашининг 26 декабрь кунги мажлисида Россиядаги жисмоний ва юридик шахсларга нисбатан қўшимча санкциялар жорий этилди.

Кенгаш томонидан тарқатилган хабарда маълум қилинишича, чекловлар «Украинага қарши тажовузкорона ҳаракатларни фаол қўллаб-қувватлаган ва ҳайриҳоҳ бўлган Россия компаниялари, бизнесменлари, сиёсатчилари ва депутатлари, куч ишлатиш салоҳиятига эга идораларининг ходимларига” нисбатан қўлланилади. Тўлдирилган янги рўйхат яқин бир неча кун мобайнида эълон қилиниши кутилмоқда.

Вақтинча босиб олинган ҳудудлар масалалари бўйича вазирлик маълумотларига қараганда, янги санкциялар вақтинча босиб олинган ҳудудлардаги Россия мудофаа саноат мажмуасига тегишли 14та корхонага; Россия корхоналари ва Қримдаги Армянск «Титановые инвестиции» компанияси фаолиятини таъминловчи Европа корхоналарига, шунингдек Керч бўғози орқали Қримни Таман билан боғловчи транспорт кўпригини қурган тадбикорларга нисбатан қўлланилади.

25 декабрь куни Россия бош вазири Дмитрий Медведев Украина жисмоний ва юридик шахсларига нисбатан иқтисодий чораларни чеклаш тўғрисидаги махсус фармойишни имзолади. Санкциялар қўлланиладиган тўлдирилган рўйхатга 567 нафар жисмоний ва 75 та юридик шахс киритилди.

XS
SM
MD
LG