Ұлттық тасымалдаушы компанияның баспасөз қызметі 2019 жылдың қаңтар айындағы ұшу кестесіне өзгерістер енгізгенін хабарлады.
"Компания ақпарат құралдары өкілдерін, блогерлерді жағдайды ушықтырмауға шақырады", - делінген "Тәжік Эйр" баспасөз қызметі таратқан мәлімдемеде.
Компанияның баспасөз хатшысы Азиз Хайруллоевтың сөзінше, рейстер 5 қаңтарға дейін тоқтатылған.
"Осы аптада Худжандқа, Санкт-Петербургке, Тегеранға және Делиге ұшақтар ұшпайды. Келесі аптаның кестесі әлі белгісіз", - деді ол.
2 қаңтар күні таңертең жолаушылар Мәскеу-Душанбе бағытындағы рейсті тоқтатқанын хабарлаған. Олардың айтуынша, сәрсенбі күні СМС арқыры ескерткен.
"Мен Душанбеге 6 қаңтар күні таңертең ұшу керек болғам. Рейс ұшпайды деген хабарлама алдым", - дейді жолаушының бірі.
Былтыр қараша айының аяғында Тәжікстан президенті Эмомали Рахмон үкімет отырысында "Тәжік Эйр" компаниясын сынға алып, қызметін тексеруді бұйырған.