Ссылки доступа

Қозоғистонда 2019 йил бошидан маош ва пенсиялар миқдори оширилмоқда


Қозоғистон президентининг ўтган йилги фармойишига биноан мамлакатда 2019 йил бошидан ойлик маошлар ва пенсиялар миқдори оширилмоқда, дея хабар берилади мамлакат бош вазири сайтида.

Бош вазир сайтида берилган ахборотга кўра, энг кам иш ҳаққи 28 минг тенге ($72)дан 42 минг 500 тенге ($110)гача оширилади. Хабарларга кўра, маошлар оширилиши бевосита 1 миллион 300 минг қозоғистонликни қамраб олади.

Шу билан бирга умумий ва асосий пенсиялар – етти ва беш фоизга ёки тегишли равишда 36 108 тенге ($93) ва 52 145 тенге ($135)га оширилди. Шунингдек, Ягона Жамғарма Пенсия Фондидан тўланадиган энг кам пенсия миқдори 16 037 тенге ($41) деб белгиланди. Эндиликда барча пенсия тўловларининг энг кам миқдори 68 минг тенге ($176)ни ташкил қилади.

XS
SM
MD
LG