Ссылки доступа

Өзбекстанда каналдын жээгинен 10 күндүк наристенин сөөгү табылды


Фергана облусунун Алтыарык районундагы каналдын жээгинен жаңы төрөлгөн наристенин сөөгү табылды. Жергиликтүү милиция бөлүмүнөн кабарлашкандай, бала ал жакка чарчап калгандан кийин ташталган.

Маалыматка карганда, жуурканга оролгон наристенин сөөгү 2-январда Фергана кичи каналынын жээгинен табылган.

«Ал 10 күндүк наристе экен. Аны муунтуп өлтүрүп, андан кийин таштап кетишкени айтылууда. Учурда мааленин бардык жашоочулар текшерилип жатат», — деп билдирди жергиликтүү тургундардын бири.

Тергөөнүн алкагында Фергана облустук ички иштер башкармалыгынын кызматкерлери Алтыарык жана коңшу райондордо иштеген акушерлер менен медайымдарды суракка алышты.

Азырынча бул кылмыштын себептери жана чоо-жайы белгисиз.

«Учурда ДНК-тесттин негизинде наристенин апасынын ким экенин аныктоо иштери жүрүүдө. Тергөө уланууда», — деп билдиришти райондук ички иштер башкармалыгынан.

Видео

Видео

Айылына спорт зал салып берген мигрант
пожалуйста, подождите

No media source currently available

0:00 0:03:56 0:00
XS
SM
MD
LG