Помпеонинг қўшимча қилишича, АҚШ президенти Дональд Трамп ҳамон “Ўрта Шарқда барқарорлик ўрнатиш учун” чоралар кўришда давом этмоқда ва Қўшма Штатлар фаолияти тақиқланган “Ислом Давлати” жиҳодчилари ва Дамашқни қўллаб-қувватлайдиган Эронга қарши кампанияни давом эттираверади. Помпеонинг баёнот беришича, АҚШ Туркия ҳарбийлари Сурияда " курдларга қарши қатли ом уюштирмаслигига" ишонч ҳосил қилмоқчи. Америка давлат котибининг сўзларига қараганда, Вашингтон бу мақсадларни ҳаётга татбиқ этишни давом эттираверади. "Буларнинг барчасига қўшинларимиз Сурияда бўлмаганидан кейин эришамиз", -деди Помпео.
АҚШ президенти Дональд Трамп 19 декабрь куни Суриядан Америка қўшинлари олиб чиқилиши ҳақида баёнот берган эди. У ўз қарорини“Ислом давлати” террорчилик гуруҳи устидан ғалаба қозонилгани билан изоҳлади. Америка армиясининг қўмондонлиги президент фикрига қўшилмаслигини айтар экан, қўшинлар эрта олиб чиқилаётганини таъкидлади.
1 январь куни Трамп қўшинларни олиб чиқилишини кечиктиришга рози бўлганини ва бунинг учун тўрт ой муҳлат бергани маълум қилинди. ОАВ маълумотига кўра, АҚШ президенти декабрь ойида Ироқдаги Америка ҳарбий базасига ташрифидан сўнг ўз мавқеини ўзгартирган. Ҳарбий бошлиқлар Трампни гўёки жиҳодчилар устидан ғалаба қозонилмаганига ишонтиришган.
Башар Асад ҳукумати назорати остида бўлмаган Сурия ҳудудларига 2 мингга яқин америкалик ҳарбий хизматчи жойлаштирилган. Улар халқаро коалиция таркибида “Ислом Давлати”га қарши кураш олиб бормоқда.