Ссылки доступа

Ашхободда янги йил оқшомида 30 ёшли эркак ўлдирилди


Янги йил арафасида Ашхободдаги Парахат-7 микрорайонида қотиллик юз берди. “Озодлик” радиосига маълум бўлишича, 31 декабрь куни тунги 9.00ларда юз берган қотиллик қурбони рус миллатига мансуб 30 ёшлардаги эркак бўлган. Полиция ўғирлик версиясини кўриб чиқмоқда.

Ашхободдаги “Озодлик” радиоси мухбирининг хабар қилишича, ўлдирилган эркакни 1 январ куни эрталаб топишган. Кўринишидан 30 ёшлар атрофида бўлган эркакнинг жасади автобус бекатидан топилган, шундан кейин маҳаллий аҳоли полиция чақирган.

Жасад топилганда ҳодиса жойида бўлган гувоҳнинг мухбиримизга айтишича, кўринишидан эркак маҳаллий аҳоли вакили бўлган.

Жиноят юз берган жойга етиб келган полиция ходимлари дастлабки хулосани айтишди, эркакнинг ўлимига бошининг орқа қисмига ўтмас буюм билан уриш сабаб бўлган. Полициянинг аниқлашича, ҳалок бўлган эркакнинг ҳамёни ва мобил телефони олиб кетилган, шундан хулоса қилса бўладики, қотиликдан мақсад ўғирлик бўлган. Бироқ, ўғрилар жасаднинг ёнидан топилган болаларга аталган янги йил совғаларига тегишмаган.

Ашхободликларнинг айтишларича, сўнги вақтларда Туркманистон пойтахтида жиноий вазият анча ёмонлашган, масалан яқинда Парахат-7 микрорайонида ёш аёл кекса аёлга ҳужум қилган,у кампирнинг кўзига дезодорант сепиб, ўғирлик содир этишга уринган.

XS
SM
MD
LG