«Озодлик» радиосининг қирғиз хизмати мухбирининг хабар қилишича, акция иштирокчилари бу каби қилмишлар учун жарималарнинг оширилишига норозилик билдиришди.
Майдонга тўпланган одамлар, акцияни ҳеч ким уюштирмаганини, бу ерга ўз истаклари билан келишганини айтишди. Улар Қора Болта ва Бишкек яқинидаги турар-жой мавзеларидан келганликларини таъкидладилар.
2018 йил декабрида «Қирғиз чоролору» жамоатчилик бирлашмаси Бишкекда тинч митинглар ўтказди, бу тадбирларда иштирокчилар Хитойдаги «сиёсий қайта тарбиялаш лагерларида» миллий камчилик вакилларининг ушлаб турилишидан ўз хавотирларини билдиришди.
Шундан сўнг WhatsApp мессенджерида 7 январ куни Бишкекда Хитой фуқароларининг ноқонуний миграциясига бағишланган митинг бўлиб ўтиши ҳақида хабар тарқатилди. Бироқ «Қирғиз чоролору» жамоат бирлашмаси бу акцияга алоқаси йўқлигини айтмоқда.
Майдонга тўпланганлар навбатдаги акцияни худди шу ерда 17 январ куни ўтказишлари ҳақида баёнот беришди.