Бұл туралы Азатлык радиосының Түркіменстандағы тілшісі хабарлады.
"Лебап және Мары уәлаяттарында адамдар мемлекеттік азық-түлік дүкендері алдында нанға кезекте тұр. Банкоматтар алдында да көп адам кезекте тұр", - деп хабарлады Ашхабадтағы тілші.
Түркіменстанда бір жылдан астам уақыттан бері ұн мен нан тапшы. Мемлекеттік дүкендерде азық-түлік аз мөлшерде белгіленген бағамен сатылады. Оған кезекке тұратындар көп. Ал базарлар мен жекеменшік дүкендерде азық-түлік бағасы жоғары.
Мемлекеттік дүкендерде нан мен ұн 5-6 есе арзан бағамен сатылады. Түркіменстанда ұнның бір келісінің құны 2 манат деп белгіленген.