9 январь куни Бирлашган Араб Амирликларидаги Шаржа» стадионида бўлиб ўтган гуруҳ босқичининг биринчи турида ўзбек футболчилари Уммон жамоасини 2:1 ҳисобида мағлуб этди.
Ўйиннинг 34-дақиқасида ярим ҳимоячи Одил Аҳмедов жарима тўпини Уммон дарвозасига киритди. 85-дақиқада Элдор Шомуродов рақиб дарвозасига иккинчи тўпни урди.
Уммон жамоаси ҳужумчиси Муҳсин ал Гассаний Ўзбекистон дарвозасига ягона голни 72-дақиқада урди.
Ўзбекистон футболчилари 13 январда Туркманистонга, 17 январда эса Японияга қарши майдонга тушади.
Осиё Кубоги 5 январдан 1 февралга қадар Абу-Даби, Дубай, Ал-Айн, Шаржа шаҳарларида бўлиб ўтади.