Ссылки доступа

Денис Тендин өлүмүнө айыпталгандардын бирөөсү күнөөсүн мойнуна алды


Көркөм муз тебүү чебери Денис Тендин өлүмүнө айыпталып жаткандардын бири Нуралы Киясов 14-январдагы сот отурумунда күнөөсүн толук мойнуна алды.

24 жаштагы Нуралы Киясовго «топ адамдын курал колдонуу менен талап-тоноосу» жана «топтошуп адам өлтүрүү» беренелери боюнча айып тагылган.

11-январдагы отурумда дагы эки айыпталуучу, 24 жаштагы Арман Кудайбергенов менен 23 жаштагы Жанар Толыбаева айыптоолор менен макул эмес экендиктерин айтыштып, соттон беренелерди өзгөртүүнү өтүнүшкөн. Кудайбергеновго талап-тоноо жана адам өлтүрүү беренелери боюнча айып тагылган. Толыбаева болсо кылмыш тууралуу укук коргоо органдарына кабарлаган эмес деп айыпталууда.

Бул иш боюнча сот Алматы шаардык сотунда 3-январда башталган.

2014-жылы Сочиде өткөн кышкы Олимп оюндарынын коло медалынын ээси Денис Тенди 19-июлда түштө Алматынын борбордук бөлүгүндө кылмышкерлер бычактап кетишкен. Полициянын маалыматына караганда, ага автоунаа уурулары кол салган. Тен алган жараатынан ооруканада каза тапкан.

Видео

Видео

Чемпион кыздарды таптаган Дүйшөн агай
пожалуйста, подождите

No media source currently available

0:00 0:19:11 0:00
XS
SM
MD
LG