Ссылки доступа

Самарқандда илк бор тўхтатилган юрак мураккаб операция қилинди


Самарқанд вилоят болалар кўп тармоқли тиббиёт марказида илк бор тўхтатилган юракка очиқ турда жарроҳлик амалиёти ўтказилди.

«Зарафшон» нашрининг 14 январда билдиришича, туғма юрак нуқсони билан туғилган икки нафар беморнинг юраги очиқ турда муваффақиятли операция қилинган.

Бу мураккаб жарроҳлик амалиёти Москвадаги А.Н.Бакулев номидаги юрак-қон томир хирургияси илмий марказида тажриба орттирган ва айни пайтда Самарқандда ишлаётган тиббиёт фанлари номзодлари Мақсуд Саидов ва Икром Маллаев раҳбарлигида амалга оширилди.

Тиббиёт маркази бош шифокори Маматқул Азизовнинг айтишича, болалар кардиохирургияси бўлими 2018 йил апрель ойида ташкил этилган. Бу бўлимга ишлаш учун Москвадан Бакулев илмий марказида фаолият юритаётган уч нафар ўзбекистонлик шифокор таклиф қилинган.

Азизов ўтган йили Самарқанд вилоятида туғма юрак нуқсони бор беморлар рўйхатга олиниб, уларнинг 82 нафарида юракда ёпиқ кардиожарроҳлик операциялари ўтказилганини ҳам таъкидлади.

«Яқин кунларда бўлимда яна ўн нафар бемор болаларда ушбу ноёб жарроҳлик амалиётларини ўтказиш режалаштирилган», дейилади хабарда.

XS
SM
MD
LG