Президентнинг озиқ-овқатларни олиб келишни ташкиллаштириши ва ҳақларни ўзи тўлашига "шатдаун" – АҚШ федерал ҳукуматини молиялаштирилиши қисман тўхтатилиши мажбур қилди. "Шатдаун" Мексика билан чегарага девор қурилиши масаласида қарама-қаршиликлар туфайли Конгресс 2019 йилги бюджетни тасдиқлай олмаётгани сабабли уч ҳафтадан ортиқ муддатдан бери давом этмоқда. Трамп девор қурилиши учун Конгрессдан маблағ талаб қилмоқда, аммо демократлар қарши чиқмоқда.
Трампнинг матбуот хизмати берган баёнотга қараганда, "шатдаун" туфайли хизмат кўрсатувчи ходимларнинг катта қисми пул тўланмайдиган таътилга чиқарилди. Бунинг натижасида Оқ уйга таклиф қилинган футболчилар – миллий чемпионат ғолиблари – шарафига берилган банкетни ташкиллаштирувчилар топилмади.
Трампнинг журналистларга айтишича, McDonald's, Wendy's ва Burger King тармоқларига 300та гамбургер буюртма қилинган. Трамп: "Менинг фикримча улар(спортсменлар) бу таомларни яхши кўришади" дея изоҳ берди. Трампнинг таъкидлашича, бу анъанавий америка таомларидир.
"Шатдаун" туфайли Трамп ўз вақтининг катта қисмини Оқ уйда ўтказмоқда. Яқинда унинг Россия билан алоқалари тўғрисида пайдо бўлган хабарлар борасида журналистларнинг саволига жавоб берган президент, "Ҳеч қачон Россияга ишламагани" ҳақида баёнот берди ва терговга «катта алдов» дея баҳо берди.