Ссылки доступа

Тәжік имамдары ерлерге қауқарын күшейтетін дәрі-дәрмек ішуге рұқсат берді


Тәжікстан Ислам орталығының үлемдер кеңесі ер адамның қауқарын күшейтетін дәрі-дәрмек қабылдауға рұқсат берді.

Ислам орталығының маманы Абдулвахид Хомидов ер азаматтардың жыныстық қатынас алдында қауқарын күшейту үшін дәрі-дәрмек қолдану шариғатқа қайша келмейді ме деген сұрақты имамдар бірлесіп зерттеп, жауап іздегенін айтты.

«Мамандар діни әдебиеттерді оқып, зерттеп, егер ер адамның күші белгілі себептермен әлсіресе, дәрі-дәрмек қолдануға болады деген шешімге келді», - деді Абдулвахид Хомидов.

Былтыр мамыр айында фармацевтикалық қызметті бақылайтын мекеме импотенцияны емдейтін және қоздыратын дәрі-дәрмек тізімін анықтаған.

«Дәрі-дәрмектердің бір бөлігі тек дәрігердің нұсқауымен ғана беріледі. Қалғанын еркін сатып алуға болады. Бірақ дәрігерлер оларды шектен тыс қолдану денсаулыққа зиян екенін ескерту керек» - дейді мекеме қызметкері Махмадали Давлатов.

Көптеген тәжік азаматтары еркектік қауқары әлсіреген кезде де, дәрігерге қаралуды ар санайды. Олар көбінесе, дәрігерді өз бетінше қолданады.

Дәріхана қызметкерлері ер адамдардың көбінесе «Тонгкат», «Титан-гель», «Лошадиная сила» секілді препараттар сатып алатынын айтады.

XS
SM
MD
LG