2017 йил 16 январь куни эрта тонгда у ерга Boeing-747-400 юк самолёти қулаб тушганди. Оқибатда Қирғизистоннинг 35 нафар фуқароси ва Туркия фуқаролари бўлган 4 нафар экипаж аъзоси ҳалок бўлганди. Расмий маълумотларга кўра, Истанбулга учиб кетаётган самолёт Қирғизистондаги аэропортга ёқилғи қуйиб олиш учун йўналиш олган эди.
Расмий маълумотларга қараганда, экипаж лайнерни “Манас” аэропортига қўндиришга ҳаракат қилаётган пайтда визуал кўриш имконияти йўқлиги сабаб 17 метр баландликдан иккинчи айланани амалга оширишга қарор қилган. Бироқ орадан бир неча сония ўтиб самолёт ўша жойдаги унча баланд бўлмаган рельеф ҳамда тўсиққа тўқнашиб кетган. Шундан сўнг у тўғридан-тўғри турар жой бинолари устига қулаган.
Расмий хабарларга кўра, қишлоқда 19 уй вайрон бўлган, 7 таси авария ҳолатига келиб қолган. 12 та хонадон эса қисман зарар кўрган.
Яқинда президент Сооронбай Жээнбеков юк самолётининг ҳалокатга учраши натижасида ота-оналари ва яқинларини йўқотган болалар билан учрашган. У бу воқеа қирғизистонликлар хотирасидаги энг фожиавийларидан бири эканлигини айтган.