Ссылки доступа

Нашри шиносномаҳои ID дар Ӯзбекистон то соли 2021 ба таъхир гузошта шуд


ID-картаҳо ё шиносномаҳои нави дохилии Ӯзбекистон аз соли 2021 нашр мешаванд. Дар ин бора мақомоти он кишвар хабар доданд.

Дар хабарҳо зикр шудааст, ки таъхир дар нашри шиносномаҳои нав ба омода кардани зерсохтор рабт дорад.

"Мо ҳоло маҷмуи занҷираи технологиро таҳия дорем, мақомоти давлатиро омода мекунем", - гуфт Наҷмиддин Турахоҷаев, мудири Маркази давлатии шахсисозии назди девони вазирони Ӯзбекистон.

Президенти Ӯзбекистон 18 апрели соли 2018 фармон содир карда буд, ки нашри санҷишии шиносномаҳои нав 1 ноябри соли 2018 дар ноҳияи Юнусободи Тошканд роҳандозӣ шавад.

XS
SM
MD
LG