"Мобилизациялау жөнінде әзірге сөз жоқ, бірақ әскерилер запастағы және отан алдындағы борышын өтеп жатқан сарбаздардың ұрысқа дайын емес екеніне алаңдайды, олар өте әлсіз", - дейді дереккөз.
Таяуда "Түркіменстан хроникасы" басылымы елде жастарды жаппай әскерге шақырып жатқанын хабарлаған.
"Түркіменстанда әскери қару-жарақ жеткілікті. Соңғы жылдары Ресей, Түркия, Қытайдан сатып алды. Бірақ қазір әскери міндетін өтеп жатқан сарбаз саны шамамен 35 мың. Бірақ олар әлі қару ұстай алмайды", - дейді қорғаныс министрлігіндегі дереккөз.
Түркіменстан мен Ауғанстан арасындағы шекара ұзақтығы 800 шақырым. Соңғы уақытта түркімен-ауған шекара аумағында орналасқан елді-мекендердің денін содырлар бақылауға алған деп хабарлайды Ауғанстандағы Азаттық тілшісі.