Орусиянын Эл артисти Андрис Лиепа 8 жыл Москвадагы Чоң театрдын солисти болуп иштеген. Аны эл аралык балет труппалары дагы чакырып турган.
Лиепа 1992-жылы АКШдагы турне учурунда оор жаракат алгандыктан, чоң сахнаны таштап кетүүгө аргасыз болгон. Мындан соң ал дүйнөдөгү көптөгөн театрлардын сахналарында балет койгон.
Лиепа Ташкентке 2018-жылы октябрда келип, хореограф Игор Пиворович менен “Шахерезада”, «Зымырык Куш» балеттерин койгон.
Андрис Лиепа – советтик жана орус балет артисти, Чоң театрдын премьери Марис Лиепанын уулу.
