Фуқаро авиация қўмитаси матбуот котиби Нурсултан Нурахметовнинг сўзларига қараганда, ҳодиса маҳаллий вақт билан 16 ларда Науризбай туманининг Таусамали мавзесида юз берди. "Алатау" санаториясининг очиқ ҳудудига Sky Service авиакомпаниясига тегишли Eurocopter-130 русумидаги хусусий вертолёт қулаб тушди, ёнғин кузатилмади», – дейилади матбуот котиби хабарида.
Фуқаро авиациия қўмитасининг хабар қилишича, вертолёт бортида фақат учувчи – ҳаво кемаси командири Валентин Шитов бор эди. У шифохонага олиб кетилаётганида «тез ёрдам» машинасида вафот этди, дейилади хабарда.
Авиарасмийларнинг хабарига кўра, Sky Service авиакомпаниясига тегишли Eurocopter-130 (борт рақами UP-EC038) русумидаги вертолёт Боралдай – Катта Олмаота кўли йўналиши бўйича ҳаракатланаётган эди.
Матбуот хизмати тергов бошланганини маълум қилди.