Басылымның жазуынша, Мансұр Максуди бауыры Фарид екеуі 2012 жылы заңсыз жолмен келді деген күдікпен бұғатталған 800 млн франктің 100 млн-ын алғысы келеді.
Гүлнәра Каримова Мансұр Максудиге 1991 жылы тұрмысқа шығып, 2001 жылы ажырасып кеткен.
«Ажырасу кезінде Мансұр мен Фаридтің Өзбекстандағы барлық мүлкі тартып алынған. Олардың Coca-Cola Bottlers Uzbekistan компаниясындағы үлесі швейцариялық Zeromax компаниясына делдалдар арқылы берілген», - деп жазады Der Bund.
Мансұр Максуди сұқбатта «Менің отбасым бұл ұрлықтың заңсыз қалуына жол бермейді. Әрі осыған қатысты барлық адамдар жауап беретін болады, әрине оңай болмайды", - деген.