17 январ куни Бишкекда фаолларнинг Қирғизистонда ноқонуний миграцияга қарши митинги бўлиб ўтди. Акция вақтида жамоатчилик тартибини бузган 20га яқин киши милиция ходимлари томонидан ушланди, ушланганлар орасида Next TV журналисти Жоодар Бузумов ҳам бор. У майдондан, кейинроқ эса милиция автобуси ва туман ички ишлар бўлимидан тўғридан тўғри лавҳа бераётган эди. Журналист милиционерларга ОАВ вакили эканини тушунтирди, бироқ шунга қарамай, бошқа ушланганлар билан милиция бўлимига олиб борилди. Кейинроқ қўйиб юборилди.
Халқаро амалиётда акцияларни ёритаётган журналистлар «Пресса»(“Матбуот”) ёзуви бўлган нимча кийиб олишади.