Ссылки доступа

Түркмөнстанда чет өлкөгө китеп жөнөтүү тартиптери катаалдашты


Түркмөнстанда чет өлкөгө китеп жөнөтүүнү каалаган жарандардан Мамлекеттик китепканадан атайын маалымкат талап кыла башташты. Бул тууралуу “Азаттыктын” түркмөн кызматы билдирди.

Буга чейин түркмөнстандыктар үч-төрт китепти чет өлкөгө эч кандай документсиз жөнөтүп келишкен.

Жаңы талап 1-январдан баштап күчүнө кирди. Маалыматтарга караганда, Мамлекеттик китепкана чет өлкөгө жөнөтүлө турган китеп Түрмөнстандын улуттук дөөлөтү эмес деген бүтүм чыгарып бериши керек.

Бул текшерүү үч күнгө созулат.

Түркмөнстандын тарыхына же адабиятына тиешеси жок, 40-50 жыл мурун басылып чыккан китептерди дагы экспертизага берип, маалымкат алуу зарыл.

Почта бөлүмдөрүндө китептерди чет өлкөгө жөнөтүүгө байланыштуу жаңы талаптар жөнүндө билдирүүлөр жок.

Видео

Видео

"Көрүнбөгөн" адамдар: паспортсуз жашоо
пожалуйста, подождите

No media source currently available

0:00 0:14:51 0:00
XS
SM
MD
LG