Додрас Януковичро дар робита ба айби таҷовуз ба тамомияти арзии Украина, ки ба марги одамон сабаб шудааст, бегуноҳ эълом кард.
Пахши мустақими Радиои Озодӣ аз толори додгоҳ:
Худи Янукович дар ҷаласаи додгоҳ ҳузур надошт. Ба гуфтаи вакили мудофеаш, ӯ ҷарроҳӣ шуда, феълан табобат мегирад.
Додситонии кулли Украина пештар хоста буд, ки Янукович дар хиёнат ба давлат айбдор эълом ва 15 сол аз озодӣ маҳрум шавад.
Президенти пешини Украина, ки пас аз эътирозҳои оммавӣ қудратро аз даст дод, аз соли 2014 ба ин сӯ дар Русия зиндагӣ мекунад.
Янукович мурофиаҳои додгоҳии зидди худро "мазҳака" номид.