Ссылки доступа

АҚШ тәжік шекарашыларына 3,8 млн долларға әскери көмек берді


Тәжікстандағы АҚШ елшілігінің өкілі Кевин Коверт пен Тәжікстан ұлттық қауіпсіздік комитетінің төрағасы Саймумин Ятимов 29 қаңтарда 3,8 млн доллардың әскери көмегін алу шарасына қатысты.

АҚШ елшілігі хабарлағандай, Тәжікстан шекарашыларына шекара учаскелерін үнемі бақылауды қамтамасыз ететін құрлықтық радар жүйесін тапсырған.

«АҚШ Тәжікстанмен оның егемендігін қорғау, қауіпсіздігін және тұрақтылығын қамтамасыз ету жөнінде ынтымақтасып келеді. Бұл АҚШ-тың ұлттық қауіпсіздік стратегиясының басты міндеттерінің бірі. Онда Орталық Азия елдеріндегі қауіпсіздік мәселесі аса маңызды екені айтылған. Ауғанстанның гүлденуін, саяси дамуын қалайды», - делінген америкалық дипломатиялық миссияның мәлімдемесінде.

Құрама Штаттар Тәжікстанмен 27 жыл бойында тығыз қарым-қатынаста. Осы жылдар аралығында Америка түрлі бағдарламалар арқылы Тәжікстанның дамуына 1,8 млрд доллар жұмсаған екен.

XS
SM
MD
LG