Ссылки доступа

Ўзбекистонга 2018 йилда келган туристларнинг 20 фоизи Қирғизистондан


Ўзбекистонга келаётган сайёҳларнинг 20 фоизини қирғизистонликлар ташкил этмоқда. Бу ҳақда Ўзбекистоннинг Қирғизистондаги элчиси Комил Рашидов Бишкекда 29 январда ўтган матбуот анжуманида маълум қилди.

Унга кўра, 2018 йилда Ўзбекистонга 5 миллион турист келган, улардан 1 миллиони Қирғизистондан. Элчининг айтишича, бу аввалги йилга нисбатан 2,7 баробарга кўпдир.

Комил Рашидов икки давлат ўртасидаги иқтисодий алоқалар ҳам ривожланиб бораётганини таъкидлади.

Расмий маълумотларга қараганда, 2018 йилда Ўзбекистон – Қирғизистон савдо айланмаси 2017 йилдагига нисбатан 89,6 фоизга ўсган.

Ўзбекистон Қирғизистонга 348, 2 миллион доллар маҳсулотни экспорт қилган. Қирғизистон эса Ўзбекистонга 132,8 миллион долларлик маҳсулот сотган.

XS
SM
MD
LG