«Сўнгги 10 йилда банкларнинг кредитлари 5,5 триллион тенгега ошди. Бу 70 фоиз ўсиш демакдир. Шу давр мобайнида еттита банкнинг касодга учраши ваиккита банкнинг қайта тикланиши ҳисобига салкам 5 триллион тенге ҳисобдан чиқарилди. Яъни омонатчилар биз берган барча кредитларни қайтаришмади. Банклар томонидан талабларни ўзгартириш борасида кўрилаётган чора-тадбирларга қарамай кредитлар аста секин хизмат қилмайдиган, муаммога айланди», - дейди Акишев.
Акишев баёнот бериб, кредитларни қайтармаган кўплаб корхоналар фаолиятини давом эттираётгани ва “яна арзон кредитлар берилишини талаб қилаётганини” маълум қилди. Назарбоев “барча имкониятлар ишга солинган ҳолда кредитлар қайтарилиши кераклигини” таъкидлади ва кредитларни қайтармаган тадбиркорлар жиноий жавобгарликка тортилишини айтди.
Президент Нурсултон Назарбоев назорат тизимини танқид қилди. «Бизнинг ўзимиз ёмон раҳбарлик қилдик ва ёмон кузатиб бордик. Биз, банк ва ҳукумат бу ишни назорат қила олмадик. Дуч келган одамга бердик», - деди Назарбоев. У Акишевга, ўтган йили Миллий банк ваколатларини кенгайтирувчи қонун қабул қилинганини эслатиб қўйди ва назоратни кучайтиришга даъват қилди.
«Ҳар бир акциядор ўз банкига бормоқда ва ўғирлик қилмоқда, кейин биз унинг ортидан қуваяпмиз. Биз қаерда эдик? Бу ёмон иш», - дея баёнот берди Назарбоев.
Нурсултон Назарбоев банк акциядорларининг “ўғирлиги” борасида биринчи бор гапираётгани йўқ. Ўтган йилнинг февралида бўлиб ўтган ҳукумат мажлисида у банклардаги ўғирликлар ҳақида баёнот берди, апрел ойида эса учта тижорат банкидаги аҳволни “даҳшатли” дея атади, кейинчалик бу банкларнинг лицензияси олиб қўйилди.