Аёл танишларига қизи Россиядаги бувисиникида яшаётгани ва ўқиётганини айтган. Аслида шу йиллар давомида қиз ётоқхонадаги хонадан чиқмаган, меҳмонлар келиб қолгудек бўлса она қизини шифоньерга яшириб қўйган. Аёл 10 йил муддатга озодликдан маҳрум қилиниши мумкин. Ундан суд жараёни вақтида шаҳардан чиқиб кетмаслик юзасидан тилхат олинди.
Қиз эса айни дамда биологик онасининг дугонасининг уйида яшаб турибди. Қиз эндиликда уни она демоқда. Биологик онаси иштирок этган судда 14-ёшли Диана қандай қилиб яширин олти йил яшаганини, батарея олдида ухлаганини ва оғир шароитларда тарбияланганини айтди. Қиз шунингдек, бир куни онасининг калтакларидан кейин реанимацияга тушиб қолганини ҳам айтди. Мана энди яна мактабга қатнай бошлади.
"Диана сўроқ қилинди, у ўзини мардона тутди. У ҳозирги ҳаётидан жуда ҳам миннадор. У ўзининг ҳозирги онаси Надяни яхши кўради. Аслида унга бошқа ҳеч нарсанинг кераги ҳам йўқ. У ўзини соғлом ҳис қилмоқда, ҳеч қаери оғримаяпти", – дейди #НЕМОЛЧИ жамғармаси раҳбари Дина Смаилова.
Қозоғистонликлар бу борадаги ҳодисадан илк бор 2011 йилда, Диана реанимацияга тушиб қолганида хабардор бўлишган эди. Ўшанда уни қадрдон бувиси ҳасса билан калтаклаган эди. Шундан кейин пенсионер аёлга қизча билан мулоқот қилиш тақиқланган ва ҳатто аёлни Россияга депортация қилишган эди. Шундан кейин Диана онаси билан яшай бошлади. Қиз мактабга бормай қўйди, унинг айтишича, кечқурунлари полда ухлар, бегоналар келгудек бўлса онаси уни шифоньерга яшириб қўяр экан. Кунлардан бир кун қизнинг онаси Анна Иванованинг яширин ҳаёти фош бўлди. Аннанинг оғир аҳволидан хабардор бўлган таниши Надежда Борсукова унга озиқ-овқат маҳсулотларини олиб келади. Шу тариқа биринчи марта, тасодифан Диана билан танишиб қолади.
"Полда, яхши эслай олмайман, ё матрасмиди, ё латта-путта эдими, ишқилиб нималардир бор эди. Бирдан нимадир қимирлай бошлади. Мен стулда ўтирган эдим, қўрқиб кетдим. У ерда нима бор экан, дея ўйладим. Балки қўшнилар деган хаёлга бордим. Ҳамма нарса бўлиши мумкин. Шунда у мен томон қайрилиб қаради. Мен Диананинг юзини илк бор кўрдим", – дейди Надежда Борсукова, қиз ҳозир унинг уйида яшамоқда.
Анна эса қизи куни кеча Россиядан келганини айтмоқда. Бундан аввал биологик она Диана бувисиникида яшаб, ўқиётганини айтиб келаётган эди. Ҳа, айнан Қозоғистондан чиқариб юборилган бувисиникида. Шунда Надежда Борсукова бу каби шароитларга Дианани ташлаб бўлмайди деган хаёлга борди. Шунингдек уларнинг таниши Алия она қизидан жисмонан юз ўгирмоқчи эканлигини айтди. Борсукованинг айтишича, Диананинг биологик онаси деярли қаршилик кўрсатмади ва фарзандини топшириш юзасидан ишончнома ёзиб берди. Кейинроқ Надежда қизни асраб олди.
Судда қиз қадрдон онаси ва бувиси томонидан калтаклангани – унинг оғзи ва бурни жароҳатлангани айтилди. Диананинг биологик онаси 10 йил муддатга қамоққа ҳукм қилиниши мумкин.