Қонун лойиҳасига кўра, 4 минг 172 нафар маҳбус амнистияга тушади. 285 нафар маҳбус озодликка чиқади, қолганларининг муддати камайтирилади.
Амнистия парламентда қўллаб-қувватланадиган бўлса, у ҳолда маҳбусларнинг қуйидаги категориясига тааллуқли бўлади: илк бор 5 йилгача бўлган муддатга ҳукм қилинган балоғат ёшига етмаганлар; 60 ёшдан ошган эркаклар, шунингдек 55 ёшдан катта аёллар; I ва II гуруҳ имконияти чекланган шахслар; Оилада ягона боқувчи бўлган шахслар, балоғатга етмаган камида икки фарзанди бўлган ёки I ва II гурух имконияти чекланган фарзанди бўлганлар; оғир бўлмаган ва кам оғир бўлган жиноятларни биринчи марта содир этганлар.
Қонун лойиҳаси биринчи ўқишга юборилди.