Ссылки доступа

Reuters: Венесуэла Араб Амирликларига 15 тонна олтин сотади


Венесуэла Бирлашган Араб Амирликларига 15 тонна олтин сотади. Бу ҳақда Reuters Каракасдаги манбага таянган ҳолда хабар тарқатди. Унинг маълум қилишича, мамлакат Марказий банки заҳирадаги олтиннинг маълум қисмини еврога сотади.

Агентлик суҳбатдошининг таъкидлашича, 26 январ куни Венесуэла бортида уч тонна олтин бўлган авиарейсни Ар-Риёдга жўнатди. Мамлакат умумий ҳисобда Каракасдаги Марказий банк омборидаги 29 тонна олтинни сотишни режалаштирган.

31 январ куни "Новая газета"нинг маълум қилишича, Венесуэланинг олтин заҳирасининг Москвада сақланаётган маълум қисми юк самолётида Дубайга олиб борилган ва у ерда сотилган. Шундан сўнг Россия юк самолёти пулларни Каракасга элтиб берган.

ОАВ маълумотларига қараганда, январга қадар Россияда бозор нархи 1,2 миллион долларга тенг бўлган 30 тоннага яқин Венесуэла олтини сақланган. Бу олтинларнинг қанча қисми сотилгани ҳақида "Новая газета" ҳеч нарса ёзмаган. Россия Марказий банки олтинлар сотилгани ҳақидаги хабарларни инкор қилади.

Январ ойида Венесула олтиннинг маълум қисми сақланаётган Англия Банки уларни мамлакат амалдорларига беришни блоклади, дея хабар берди Bloomberg агентлиги. Бу заҳираларни мухолифат раҳбари, АҚШ ва Лотин Амеркасидаги кўплаб мамлакатлар томонидан Венесуэланинг вақтинча президенти дея тан олинган Хуан Гуайдо олишни режалаштирган. У бу борадаги сўров билан Буюк Британия бош вазири Тереза Мэйга мурожаат қилди.

XS
SM
MD
LG