«31 қаңтарда өткізілген арнайы операция нәтижесінде Шымкенттегі Жауапкершілігі шектеулі серіктестік (ЖШС) аумағында Қытайдың 73 азаматы мен Өзбекстанның 137 азаматы ұсталған», – деп хабарлайды ІІМ баспасөз қызметі.
Министрліктің мәліметі бойынша, Қытай азаматтары Қазақстан аумағына транзиттік әуе рейстерімен келіп, қалып қойған. Қазір оларды еліне қайтару мәселесі шешіліп жатыр.
Заңсыз миграция каналын Қытайдың екі азаматы мен Қазақстанның бір азаматы ұйымдастырған. Олар серіктестікті басқарып келген. Ұсталған күдіктілерге қарсы сотқа дейінгі тергеу ісі жүріп жатыр.