Ссылки доступа

Түркіменстанда оқушылардың телефондары тексеріледі


Түркіменстан билігі мектеп оқушыларының телефондарын тексеріп жүр. Оны қауіпсіздік қызметінің адамдары жүзеге асырады.

Мектептегі жоғарғы сынып оқушыларының телефондары тексеріледі. Сабаққа бірнеше адам кіріп, оқушылардан телефондарын партаға қоюды талап етеді.

"Олар телефондағы суреттер мен видеоларды тексереді. Оқушыларға телефондардан не іздеп жатқанын айтпайды", - деді Азатлык радиосының дереккөзі.

Ашхабадтағы мектептердің бірінде оқитын оқушы телефондағы сурет үшін жазаланған. Ол Франциядағы ереуілде түсірілген сурет үшін жазаланды.

"Бұл мектептегі тексеру 1 ақпанда жүргізілген. Оқушылардың бірінің телефонынан Франциядағы "сары жейделілер" суреті табылған. Оқушыны тергеген. Оның бетінен бірнеше мәрте шапалақпен ұрған", - деп хабарлады Азатлык тілшісі.

Ол оқушыға әрі қарай не болғаны белгісіз. Азатлык құзырлы органдардан жауап ала алмады.

Бұның алдында Түркіменстан студенттеріне қысқы демалыста мобильді телефондар мен интернет қолданбау туралы ескерткен.

XS
SM
MD
LG