Ссылки доступа

Түркімен ұшақтарына Еуропаға ұшуға тыйым салды


4 ақпанда Еуропаның авиациялық қауіпсіздік агенттігі "Türkmenhowayollary" компаниясының ұшақтарын "қара тізімге" енгізді. Яғни түркімен ұшақтары Еуропа территориясына ұша алмайды. Бұл жөнінде Ұлыбританияның сыртқы істер министрлігі мәлімдеді.

"Түркіменстан хроникасы" басылымының жазуынша, түркімен тарабы халықаралық қауіпсіздік талаптарын сақтауы шарт. Компанияның қандай талаптарды бұзғаны жөнінде айтылмаған.

Ұшақтардың тоқтауына байланысты Амритсардан Бирмингемге және Хитроуға және Нью-Делиден Хитроуға Ашхабад арқылы ұшатын рейстерге тыйым салынған.

Independent басылымының жазуынша, Үндістанда жүрген және түркімен әуе компаниясынан билеттер сатып алған бес мың адам зардап шегуі мүмкін. Мұнан бөлек басылым Ашхабад-Франкфурт және Ашхабад-Париж рейсі де тоқтатылды деп жазады.

XS
SM
MD
LG