Бу ҳақда Буюк Британия ТИВ сайтида хабар қилинди.
"Хроника Туркменистана" нашрининг хабар қилишича, туркман томони халқаро хавфсизлик стандартларига риоя этишга рози эканликларини тасдиқлаши керак. Авиакомпания қандай стандартларни бузгани ҳозирча аниқ эмас.
Парвозларнинг тўхтатилиши муносабати билан «Türkmenhowayollary»нинг Амритсардан Бирмингем ва Хитроуга, шунингдек, Деҳлидан Хитроуга Ашхабод орқали транзит парвозлари бекор қилинди.
Independent нашрининг хабар қилишича, шу муносабат билан Ҳиндистонда бўлиб турган ва туркман авиакомпаниясининг чипталарини сотиб олган 5000га яқин киши зарар кўриши мумкин. Бундан ташқари, Independent'нинг ёзишича, Ашхобод-Франкфурт ва Ашхобод-Париж йўналишидаги парвозлар ҳам бекор қилинган.
Буюк Британия ТИВ юзага келган масалани барқарорлаштириш учун жабрдийдалар «Türkmenhowayollary»нинг ваколатхонасига мурожаат қилишлари лозимлиги юзасидан тавсия берди.