Ссылки доступа

Ташкент Рогун ГЭС-інің құрылысына қатысқысы келеді


Өзбекстан көршілес Тәжікстан мен Қырғызстандағы су электр станцияларының құрылыстарына қатысуды көздейді. Бұл туралы "Өзбекэнерго" компаниясы басқарма төрағасының орынбасары Руслан Мубаракшин мәлімдеген.

"Құрылысқа қатысты мәселелер талқыланып жатыр. Тәжікстан мен Қырғызстаннан ГЭС құрылысына қатысу туралы ұсыныстар түскен. Біз әлі түпкілікті шешім қабылдаған жоқпыз", - деді Мубаракшин.

Өзбекстан Рогун ГЭС-інің құрылысына қатысу мүмкін екендігі 2018 жылы наурызда Душанбеде Өзбекстан президенті Шавкат Мирзияев пен Тәжікстан президенті Эмомали Рахмон кездесуінде айтылған.

Рогун ГЭС-інің құрылысы 2016 жылы қазан айында ресми түрде басталды. Өзбекстанның тұңғыш президенті Ислам Каримов бұл жобаға қарсы шыққан еді.

Өзбекстан Қырғызстандағы "Қамбарата-1" ГЭС-ін тұрғызуға да қатысқысы келеді. Бұл мәселе 2017 жылы екі ел басшыларының кездесуінде сөз болған.

XS
SM
MD
LG